ყაზახეთში, მორგიდან 40-ზე მეტი ცხედარი გაიტაცეს

ალმათის პოლიციის ინფორმაციით, არეულობების დროს მორგიდან 40-ზე მეტი ცხედარი წაიღეს.

ყაზახური მედიის ცნობით, დაპირისპირებების დროს უცნობი პირები მორგს 7-ჯერ დაესხნენ თავს.

ოფიციალური ინფორმაციით, ალმათში იარაღის მაღაზიების გაძარცვის შედეგად კი ათას 300-ზე მეტი იარაღია მოპარული.

იანვრის დასაწყისში მომხდარ მოვლენებთან დაკავშირებით ალმათში სისხლის სამართლის 400-ზე მეტი საქმეა აღძრული. გარდაცვლილთა რეალური რიცხვი კი, უცნობია.