VIDEO: „აზოვის“ მებრძოლები ოკუპანტებს როსტოვში წინასწარი დაკავების იზოლატორში გადაჰყავთ - რუსული მედია კადრებს ავრცელებს

"აზოვის" მებრძოლები როსტოვისა და ტაგანროგის წინასწარი დაკავების იზოლატორში გადაიყვანეს - ამ ინფორმაციას რუსულ გამოცემა Don24-ზე დაყრდნობით BBC Telegram არხზე ავრცელებს.

როგორც გამოცემა წერს, "აზოვის" დაკავებული  მებრძოლები როსტოვის წინასწარი დაკავების N1 იზოლატორში მოათავსეს, სადაც ოდესღაც გერმანელი ნაცისტები იყვნენ დაკავებულები. ამის შესახებ სამხედრო ჟურნალისტი ვალენტინ გორშენინი იტყობინება.

უკრაინელი ჯარისკაცების კოლონას რუსული თვითმფრინავები აკონტროლებენ

როსტოვის ადგილობრივი მედია გამოცემა 161.ru ანონიმურ წყაროზე დაყრდნობით წერს, რომ სამართალდამცავ ორგანოებში 89 "აზოველი" ტაგანროგში გადაიყვანეს.

"ტაგანროგიდან ისინი შემდგომში სხვადასხვა იზოლატორში გადანაწილდებიან. ნაწილი აქაც რჩება, ისინი ახლა მნიშვნელოვანი სუბიექტები არიან (ტყვეთა გაცვლისთვის)", - თქვა წყარომ.

რუსეთისა და უკრაინის თავდაცვის სამინისტროები ამ ინფორმაციას ოფიციალურად არ ადასტურებენ.

"აზოვის" მებრძოლები დონში, როსტოვში, გორკის ქუჩაზე No1 იზოლატორში მიიყვანეს, რომელიც ჯერ კიდევ 1768 წელს ასო E-ის გამოსახულებით იმპერატრიცა ეკატერინე II-ის პატივსაცემად აშენდა.

სამხედრო მეთაური, რომელიც თან ახლდა ავტობუსების კოლონას სამხედრო ტყვეებთან ერთად წერს, რომ ფოტოზე არიან: რუსი სამხედრო სარდალი ბორის დუმენკო, 51-ე ვერმახტის არმიის კორპუსის მეთაური, გენერალი ვალტერ ფონ სეიდლიც-კურზბახი, ტერორისტები და ბანდიტები. 

უკრაინელი ჯარისკაცები მარიუპოლში ავტობუსებში ჩასვეს და ესკორტით როსტოვში გადაიყვანეს, წერენ თვითმხილველები.

რუსეთის თავდაცვის სამინისტრომ დღევანდელ დილის ბრიფინგზე განაცხადა, რომ 16 მაისიდან მარიუპოლის "აზოვსტალის" ქარხნიდან 959 უკრაინელი ჯარისკაცი, მათ შორის 80 დაჭრილია გაყვანილი.

უკრაინის გენერალური შტაბი "აზოვსტალის" ქარხნიდან უკრაინელი სამხედროების გაყვანას ტყვეთა გაცვლის ოპერაციას უწოდებს.

რუსეთის დუმაში კი ფიქრობენ, რომ "აზოვის" მებრძოლების რუს ტყვეებში გაცვლა აიკრძალოს.

”ნაცისტი დამნაშავეები არ უნდა გაიცვალონ. ესენი არიან სამხედრო დამნაშავეები, ჩვენ ყველაფერი უნდა გავაკეთოთ იმისათვის, რომ ისინი პასუხისგებაში მიეცნენ”, - განაცხადა სახელმწიფო დუმის სპიკერმა ვიაჩესლავ ვოლოდინმა.