ურსულა ფონ დერ ლაიენი: დროთა განმავლობაში უკრაინა შემოგვიერთდება, ეს ქვეყანა ერთ-ერთი ჩვენთაგანია და გვინდა, რომ ევროკავშირში ვიხილოთ

„უკრაინა ევროკავშირში უნდა გაწევრიანდეს“ - ამის შესახებ ევროკომისიის პრეზიდენტმა ურსულა ფონ დერ ლაიენმა  Euronews-სთან ინტერვიუში განაცხადა.
 
ჟურნალისტის კითხვაზე, თუ როგორ რეაგირებს ევროკავშირი იმ ფაქტზე, რომ ათიათასობით ადამიანი მთელ ევროპაში ქუჩებში გამოდის და უკრაინის ევროკავშირში შესვლას ითხოვს, ფონდერ ლაიენმა უპასუხა:

„უკრაინას სურს ჩვენი სრული სოლიდარობა და ამას დაინახავს. უკრაინა უკვე არის ჩართული ზოგიერთ პროცესებში, მაგალითად, უკრაინის ბაზრის ინტეგრაცია ევროკავშირის ერთიან ბაზარზე. ჩვენ მჭიდროდ ვთანამშრომლობთ სხვადასხვა სფეროებში, მაგალითად, ენერგეტიკის სფეროში. დროთა განმავლობაში უკრაინა შემოგვიერთდება. ეს ქვეყანა ერთ-ერთი ჩვენგანია და გვინდა, რომ ევროკავშირში ვიხილოთ“, - განაცხადა ფონ ლაიენმა.