უკრაინის თავდაცვის მინისტრი: უკრაინაში მტრის ჯარების სამხედრო რესურსები იწურება

უკრაინის თავდაცვის მინისტრი, ოლექსი რეზნიკოვი აღნიშნავს, რომ უკრაინაში მტრის ჯარების სამხედრო რესურსები იწურება, შემდეგ მოხდება ლოგისტიკური კოლაფსი. ამის შესახებ მან ფეისბუქის საკუთარ გვერდზე დაწერა.

„უკრაინაში მტრის სამხედრო რესურსი იწურება და იქნება ლოგისტიკური კოლაფსი. ამის გაგებით იზრდება მტრის ტყვედ აყვანის ტენდენცია. არა მარტო ჯარისკაცები, არამედ მთელი ოცეულები. მოსკოვი ხომ არ აღიარებს მათ სიკვდილს, პუტინისთვის ისინი ქვემეხის საკვებია, დასახარჯი მასალა მისი იმპერიული ოცნების მიღწევისთვის. ბევრი მათგანი უკვე მიხვდა, რომ მათ უღალატეს“, - აღნიშნა რეზნიკოვმა.

ამიტომ, ხაზგასმით აღნიშნა, რომ ოკუპანტისთვის სიცოცხლის გადარჩენის ერთადერთი გზა დანებებაა.

აქტიური საომარი მოქმედებები ზიანს აყენებს მტერს არა მხოლოდ უკრაინელი დამცველების შეიარაღებული ქვედანაყოფების, არამედ რიგითი უიარაღო ადამიანების მიერ, რომლებიც აჩვენებენ თავიანთ სამოქალაქო პოზიციას ოკუპანტს, აყენებენ მას ფსიქოლოგიურ მარცხს.