უკრაინის თავდაცვის ძალებმა რუსული მოიერიშე თვითმფრინავი სუ-25 ჩამოაგდეს

უკრაინის თავდაცვითი ძალების მიერ რუსული მოიერიშე თვითმფრინავი სუ-25, რომლითაც რამდენიმე საათის წინ კიევის გარეუბანზე საჰაერო იერიში მიიტანეს, განადგურებულია.

ამ ინფორმაციას ადგილობრივი მედია საშუალება ავრცელებს და გამოცემა YNIAN-ი განადგურებული ტექნიკის ფოტოს ინგლისური წარწერით  - bye bye (ნახვამდის) ასაჯაროებს.  

"მტრის თვითმფრინავი სუ-25, რომელმაც ირპენი დაბომბა, განადგურდა", - ნათქვამია მოხსენებაში.

უკრაინელი თავდაცვის ძალები კიევის მახლობლად რუსი დამპყრობლების თავდასხმების მოგერიებას აგრძელებენ.

რუსეთ-უკრაინას შორის სასტიკი ბრძოლები რამდენიმე დღეა გრძელდება, თუმცა დამპყრობლების მცდელობა დედაქალაქში შესვლასთან დაკავშირებით ვერ ხერხდება.