უკრაინის გენშტაბი: რუსეთი უკრაინაში თავის მიზნებს ვერ აღწევს - ომის VI დღე

"მეექვსე დღეა, უკრაინა რუს დამპყრობლებს ებრძვის. ძლიერი წინააღმდეგობის გამო, მტერმა მიზნებს სწრაფად ვერ მიაღწია" - ამის შესახებ უკრაინის შეიარაღებული ძალების გენერალური შტაბი იტყობინება.

„რუსი ოკუპანტები მთელ მსოფლიოში გამოვლინდნენ: სარაკეტო დარტყმები, მრავალჯერადი სარაკეტო სისტემების გასროლა და საჰაერო დარტყმები მოწმობს, რომ მათ არ შეუძლიათ ტოტალური წინააღმდეგობის გაწევა უკრაინელებთან. კუპანტების „გამბედაობა“ მხოლოდ მშვიდობიანი მოსახლეობის დაშინებასა და ძარცვაში გამოიხატება", - ნათქვამია განცხადებაში.

ამავდროულად, უკრაინელი მებრძოლები სივერის რეგიონში თავდაცვით ბრძოლებს აწარმოებენ, რათა თავიდან მტრის წინსვლა კოპტისა და ნიჟინის დასახლებების მიმართულებით აიცილონ.

შეიარაღებული ძალების ნაწილი ჩერნიგოვის დაცვას აგრძელებს, ყველა არსებული საშუალებით მტერს ვებრძვით, რითაც ოკუპანტებს ქალაქში შეღწევის საშუალებას არ ვაძლევთ.

სლობოჟანშჩინაში, უკრაინის შეიარაღებული ძალების ქვედანაყოფები თავდაცვითი ბრძოლების ჩატარებას ოკუპირებულ ხაზებზე აგრძელებენ, მტერს ზარალს ცოცხალი ძალით, აღჭურვილობით და ტყვეების დაკავებით აყენებენ.

პრიმორსკის მიმართულებით, უკრაინელი ჯარისკაცები თავდაცვით ოპერაციას გარკვეულ ზონაში აგრძელებენ.

დამპყრობლები ზედიზედ რამდენიმე დღეა კიევზე შეტევას ცდილობენ. უკრაინული ძალები ბრძოლის ხაზს იჭერენ. ქალაქის თავდაცვითი დაჯგუფება ბრძოლას და თავდაცვის გარკვეული უბნების მართვას აგრძელებს, ძალების ნაწილი უეცარი და კრიზისული ამოცანების გადასაჭრელად ემზადება.

თავდასხმის ნაწილებმა და საარტილერიო დანაყოფებმა დედაქალაქის გარეუბანში თავდაცვითი პოზიციები დაიკავეს და პოზიციების საფორტიფიკაციო აღჭურვილობას აუმჯობესებენ.

ტერიტორიული თავდაცვის ქვედანაყოფები დედაქალაქის მნიშვნელოვანი ინფრასტრუქტურული ობიექტების დაცვასა აძლიერებენ.