უკრაინას მეტი იარაღი სჭირდება - დიდი ბრიტანეთის საგარეო საქმეთა მინისტრი

„მეტი იარაღი უნდა გაიგზავნოს უკრაინაში, რათა უფრო მეტად მოხდეს რუსეთის პრეზიდენტ ვლადიმერ პუტინზე „ზეწოლა“,- განაცხადა პარასკევს ბრიტანეთის საგარეო საქმეთა მინისტრმა, ლიზ ტრასმა.

„ამ დროისთვის ძალიან მნიშვნელოვანია, რომ ჩვენ გავაგრძელოთ ზეწოლა ვლადიმირ პუტინზე, უკრაინისთვის მეტი იარაღის მიწოდებით, სანქციების გაზრდით“, - თქვა ტრუსმა შვიდეულის (G7) საგარეო საქმეთა ჯგუფის შეხვედრაზე სიტყვით გამოსვლისას.

ამასთან, საგარეო საქმეთა მინისტრმა თქვა, რომ „დიდი შვიდეულის ერთიანობა სასიცოცხლოდ მნიშვნელოვანია ამ კრიზისის დროს თავისუფლებისა და დემოკრატიის დასაცავად“, რაც გულისხმობს დიდ ბრიტანეთს, კანადას, საფრანგეთს, გერმანიას, იტალიას, იაპონიასა და შეერთებულ შტატებს შორის ურთიერთობებს.

ლიზ ტრასი შეხვდება ევროკავშირის უმაღლეს წარმომადგენელს საგარეო საქმეთა და უსაფრთხოების პოლიტიკის საკითხებში.