უკრაინამ აშშ-ს რუსეთის მიერ დაბომბილი ინფრასტრუქტურის შესახებ ინფორმაციას გადასცა - ვოლოდიმირ ზელენსკი

უკრაინის ხელისუფლებამ აშშ-ს რუსეთის მიერ 30-დღიანი დროებითი ზავის პერიოდში დაბომბილი ენერგეტიკული ობიექტების სია გადასცა, - განაცხადა უკრაინის პრეზიდენტმა ვოლოდიმირ ზელენსკიმ.

„დღესაც იყო დარტყმები ხერსონზე, ენერგეტიკული ობიექტის წინააღმდეგ რუსული დრონი გამოიყენეს. ეს მოხდა აბსოლუტურად შეგნებულად და მიზანმიმართულად. ქალაქის ნაწილი ელექტროენერგიის გარეშე დარჩა“, - თქვა ზელენსკიმ.

მისი თქმით, თითოეული ასეთი დარღვევა უნდა ფიქსირდებოდეს და პარტნიორებს გადაეცემოდეს. უკრაინის ლიდერმა კიდევ ერთხელ აღნიშნა, რომ რუსეთი სრულმასშტაბიანი ცეცხლის შეწყვეტის პროცესს აჭიანურებს და ამერიკული გეგმის რეალიზება მოსკოვის პოზიციის გამო ვერ ხერხდება.