თუ დასავლეთს რუსეთის დამარცხება ბრძოლის ველზე სურს, მაშინ მათთან სალაპარაკო არაფერია - სერგეი ლავროვი

რუსეთის საგარეო საქმეთა მინისტრის სერგეი ლავროვის განაცხადებით, თუ დასავლეთის ქვეყნებს სურთ რუსეთის უკრაინასთან დამარცხება, მაშინ მათთან სალაპარაკო არაფერია. ამის შესახებ ლავროვმა  „დიდი ოცეულის“ შეხვედრაზე საუბრისას განაცხადა. 

„თუ [დასავლეთს] სურს არა მოლაპარაკება, არამედ უკრაინის გამარჯვება რუსეთზე ბრძოლის ველზე, მაშინ ალბათ, დასავლეთთან სალაპარაკო უბრალოდ არაფერია, რადგან ამ მიდგომებით, ფაქტობრივად, ის უკრაინას სამშვიდობო პროცესზე გადასვლის საშუალებას არ აძლევს“, - აღნიშნა ლავროვმა.

შეგახსენებთ, ინდონეზია „დიდი ოცეულის“ საგარეო საქმეთა მინისტრების შეხვედრას მასპინძლობს.