სისხლის სამართლის საერთაშორისო სასამართლო რუსეთის მიერ უკრაინაში შეჭრაზე გამოძიებას იწყებს

სისხლის სამართლის საერთაშორისო სასამართლო აცხადებს, რომ რუსეთის მიერ უკრაინაში შეჭრაზე გამოძიებას იწყებს.

პროკურორ კარიმ ჰანის განცხადებით, გამოძიების დასაწყებად გონივრული საფუძველი არსებობს.

"დავადასტურე, რომ არსებობს გონივრულ საფუძველი გამოძიების დასაწყებად. არსებობს გონივრული საფუძველი იმის დასაჯერებლად, რომ უკრაინაში ჩადენილია როგორც სავარაუდო ომის დანაშაულები, ასევე კაცობრიობის წინააღმდეგ ჩადენილი დანაშაულები", - აცხადებს პროკურორი.