საქართველო-ყაზახეთის რეისები შეუფერხებლად სრულდება - საქართველოს საგარეო საქმეთა სამინისტრო

ალმათის აეროპორტი

საქართველოს საგარეო საქმეთა სამინისტროს ინფორმაციით, საქართველო-ყაზახეთის რეისები ჩვეულებრივად სრულდება.

უწყების ინფორმაციით, ყაზახეთში საქართველოს საელჩო  ჩვეულ რეჟიმში მუშაობს, ამოქმედებულია ცხელი ხაზი.

„ყაზახეთში საქართველოს საელჩო მუშაობს ჩვეულებრივ რეჟიმში, ამოქმედებულია ცხელი ხაზი და საქართველოს მოქალაქეებს შეუძლიათ, დაუკავშირდნენ ამ ნომერზე +7 (717) 224-32-58.

რაც შეეხება ფრენებს, საქართველო-ყაზახეთის რეისები ჩვეულებრივად დაფრინავს",- აღნიშნულია საქართველოს საგარეო საქმეთა სამინისტროს ინფორმაციაში.

შეგახსენებთ, რომ ყაზახეთში მასობრივი არეულობის ფონზე, ხელისუფლებამ ქვეყნის მთელ ტერიტორიაზე საგანგებო მდგომარეობა გამოაცხადა.