რუსეთის დუმამ საქართველო რუსული მედიისადმი მტრულ ქვეყნებში დაასახელა

რუსეთის დუმამ საქართველო რუსული მედიისადმი მტრულ ქვეყნებში დაასახელა. საქართველოსთან ერთად დასახელებულია, უკრაინა, ამერიკის შეერთებული შტატები, გერმანია, კანადა, ესტონეთი, დიდი ბრიტანეთი, ლიეტუვა, ლატვია, საფრანგეთი, მოლდოვა და პოლონეთი.

სახელმწიფო დუმის წარმომადგენლის ვასილი პისკარევის თქმით, ბოლო ხუთი წლის ანალიზმა აჩვენა, რომ დასავლეთი აწარმოებს მასობრივ კამპანიას რუსული მედიის დისკრედიტაციისა და მათი მუშაობისთვის გაუსაძლისი პირობების შესაქმნელად.

პისკარევის განცხადებით, პასუხი, სარკისებური ზომების შესახებ კანონპროექტი იქნება.