რუსეთი ვოლოდიმირ ზელენსკის ყალბი მიმართვის ვიდეოს ამზადებს - უკრაინის დაზვერვა

არეულობის მოწყობის მიზნით, რუსეთი ე.წ. deepfake ტექნოლოგიის გამოყენებით, უკრაინის პრეზიდენტის, ვლადიმერ ზელენსკის ყალბი მიმართვის ვიდეოს ამზადებს, ამის შესახებ ინფორმაციას უკრაინული მედია ქვეყნის დაზვერვაზე დაყრდნობით ავრცელებს.

„როდესაც 2022 წლის თებერვლის დასაწყისში რუსეთთან კონფლიქტმა იმპულსი მოიმატა, მან გაააქტიურა მისთვის ხელმისაწვდომი ჰიბრიდული ომის ყველა ინსტრუმენტი, კერძოდ, ინფორმაციული გავლენა, ერთმანეთის მიყოლებით ვიდეოების გაყალბება დაიწყო. გვაქვს ინფორმაცია, რომ უკრაინის პრეზიდენტის, ვოლოდიმირ ზელენსკის სახე, შეიძლება, გამოყენებულ იქნეს ასეთ ვიდეოში. ამიტომ, იცოდეთ, რომ ასეთი ვიდეო იქნება ყალბი, რომლის მიზანია პანიკის დათესვა, დეზორიენტაცია, გატეხვა და დარწმუნება ჩვენი ჯარების ჩაბარებაზე“, - აცხადებს უკრაინის დაზვერვის სამსახურში.