Reuters: 70-მდე იაპონელი მოხალისე უკრაინაში საბრძოლველად ჩასვლას გეგმავს

Reuters ცნობით, იაპონელი მოხალისეები უკრაინაში გამგზავრებას და რუსეთის აგრესიის წინააღმდეგ ბრძოლას აპირებენ.

მოხალისეებმა უკრაინის საელჩოს უკვე მიმართეს. საელჩოს განცხადებით, უკრაინაში საჭიროა მედიცინის სფეროს მუშაკები, მეხანძრეები და მაღალი ტექნოლოგიების სპეციალისტები.

შეგახსენებთ, რამდენიმე დღის წინ ტოკიოში უკრაინის წინააღმდეგ რუსული აგრესიის გასაპროტესტებლად ხალხი შეიკრიბა. იაპონიის მოსახლეობამ შემოწირულობის სახით უკრაინის დასახმარებლად 17 მლნ დოლარი შეაგროვა.