რას აჩვენებს სატელიტური სურათები, რომლებიც ყირიმის საავიაციო ბაზაზეა გადაღებული

ამერიკულმა კომპანია Planet Labs-მა ყირიმის „საკის“ აეროდრომის სატელიტით გადაღებული ფოტოები გაავრცელა, სადაც ორი დღის წინ აფეთქებები მოხდა.

ფოტოებზე ასახულია დამწვარი ტერიტორია და რამდენიმე განადგურებული რუსული სამხედრო თვითმფრინავი.

ბოლო მონაცემებით, განადგურებულია მინიმუმ 9 თვითმფრინავი, ფოტოებზე გარკვევით ჩანს რამდენიმე კრატერიც.

„თავდასხმაზე უკრაინას პასუხისმგებლობა არ აუღია, მაგრამ ეს ახალი მტკიცებულება მიუთითებს მიზანმიმართული დარტყმის განხორციელების შესაძლებლობაზე“, - წერს BBC-ი.

აფეთქება რუსეთის საჰაერო ძალების საკის ავიაბაზაზე მოხდა, რომელიც უახლესი ფრონტის ხაზიდან 200 კმ-ზეა განთავსებული.  ბაზაზე განლაგებულია Su-24,Su-25, su-30-ის ტიპის საბრძოლო თვითმფრინავები.

„რუსეთის ომი უკრაინისა და მთელი თავისუფალი ევროპის წინააღმდეგ ყირიმით დაიწყო და ყირიმით უნდა დასრულდეს“,- ასე გამოეხმაურა უკრაინის პრეზიდენტი, ვოლოდიმირ ზელენსკი ყირიმში აფეთქებებს.