რა უთხრა ზელენსკიმ ხიდის აფეთქების შემდეგ ყირიმში მცხოვრებ რუსებს

უკრაინის პრეზიდენტი ვოლოდიმირ ზელენსკი ყირიმის ხიდზე მომხდარ აფეთქებას გამოეხმაურა. 

ზელენსკიმ ნახევარკუნძულზე მყოფ რუსებს დანებებისკენ მოუწოდა.

„თუ ოკუპანტები გაიქცევიან, სანამ ასეთი შესაძლებლობა არსებობს, ეს მათთვის საუკეთესო ვარიანტი იქნება. თუ ისინი იძულებულნი იქნებიან დარჩნენ, ტყვეობაში უნდა ჩაჰბარდნენ. იარაღის დაყრა და ჩაბარება გადაარჩენს მათ სიცოცხლეს. უკრაინა ყოველთვის იცავს ყველა საერთაშორისო ნორმას“, - განაცხადა ზელენსკიმ.