პუტინმა რუსი მოქალაქეების ნაწილს ეროვნული მოღალატეები უწოდა

რუსეთის პრეზიდენტი ვლადიმერ პუტინი პროდასავლური განწყობის მქონე რუსებს „ეროვნულ მოღალატეებს“ უწოდებს.

„დასავლეთი შეეცდება დაეყრდნოს ე.წ. მეხუთე კოლონას, ეროვნულ მოღალატეებს, მათ, ვინც აქ შოულობს ფულს, მაგრამ იქ ცხოვრობს. იქ ცხოვრებაში მე არ ვგულისხმობ გეოგრაფიულ გაგებას, არამედ მათ აზროვნებას, მათ მონურ ცნობიერებას. ამ ადამიანებს არ შეუძლიათ ხამანწკებისა და გენდერული თავისუფლების გარეშე ცხოვრება", - განაცხადა პუტინმა სატელევიზიო მიმართვის დროს.