პუტინმა აღიარა, რომ მას არ აქვს გამარჯვება, რომლის აღნიშვნა შეუძლია - გაეროში აშშ-ის ელჩი

გაეროში აშშ-ის ელჩმა, ლინდა თომას-გრინფილდმა განაცხადა, რომ რუსეთის პრეზიდენტმა, ვლადიმერ პუტინმა აღიარა, რომ მას არ აქვს გამარჯვება, რომლის აღნიშვნა შეუძლია.

ლინდა თომას-გრინფილდის თქმით, რუსეთის ლიდერმა 9 მაისთან დაკავშირებით თავ ისი სიტყვით გამოსვლა არ გამოიყენა უკრაინიდან გასვლის გამოცხადებისთვის, რაც მიუთითებს იმაზე, რომ პუტინის ომი გაგრძელდება.

„უკრაინაში პუტინის მცდელობებმა შედეგი არ გამოიღო. მან ვერ შეძლო უკრაინის რამდენიმე დღეში დაჩოქება. კონფლიქტი არ დასრულებულა, რა თქმა უნდა. მან არ გამოაცხადა ჯარების გაყვანა. უკრაინელებთან შეთანხმება არ გამოუცხადებია. ჩვენი შეფასებით, ეს შეიძლება იყოს გრძელვადიანი კონფლიქტი“, - აღნიშნა გაეროში აშშ-ის ელჩმა.