პოლონეთის პრეზიდენტმა უკრაინაში ომს ტერორიზმი უწოდა

პოლონეთის პრეზიდენტმა, ანჯეი დუდამ უკრაინაში ომს ტერორიზმი უწოდა და ხაზგასმით აღნიშნა, რომ ისინი, ვინც დანაშაული ჩაიდინეს, უნდა დაისაჯონ და ეს უნდა გავრცელდეს მათზეც, ვინც ბრძანება გასცა. ინფორმაციას Reuters-ი ავრცელებს.

„ეს ომი არ არის, ეს ტერორიზმია“, - აღნიშნა დუდამ უკრაინის პრეზიდენტ ვოლოდიმირ ზელენსკისთან და ბალტიის სამი ქვეყნის ლიდერებთან შეხვედრისას.

უკრაინაში ვიზიტის ფარგლებში, პოლონეთის პრეზიდენტი უკრაინის ქალაქ ბუჩასაც ეწვია.