პოლონეთი მზადაა, გახდეს უკრაინის უსაფრთხოების გარანტი - ანჯეი დუდა

"პოლონეთი მზადაა, გახდეს უკრაინის უსაფრთხოების გარანტი", – ამის შესახებ პოლონეთის პრეზიდენტმა, ანჯეი დუდამ, „სიენენთან“ ინტერვიუში განაცხადა.

„ვოლოდიმირ ზელენსკიმ მკითხა, თანახმა ვარ თუ არა, რომ პოლონეთი იყოს უკრაინის უსაფრთხოების ერთ-ერთი გარანტი. ჩვენ გვჯერა, როგორც მეზობლებს, უბრალოდ, ვალდებულები ვართ, რომ ეს გავაკეთოთ. თუ უკრაინა შემოგვთავაზებს ვიყოთ უსაფრთხოების გარანტი, მშვიდობის გარანტი ომის დასრულებისას და სამშვიდობო ხელშეკრულების ასეთი პირობები მიიღება, დიახ, პოლონეთი მიიღებს მონაწილეობას ამაში“, – თქვა დუდამ.