ოთხი სარაკეტო და 13 საჰაერო დარტყმა - უკრაინის გენშტაბი ინფორმაციას ავრცელებს

დღის განმავლობაში რუსმა დამპყრობლებმა უკრაინის ტერიტორიაზე 4 სარაკეტო და 13 საჰაერო დარტყმა განახორციელეს. ამის შესახებ უკრაინული მედია წერს.

გამოცემის ცნობით, მტერმა გამოიყენა MLRS. 

„ბოლო 24 საათის განმავლობაში მტერმა 4 სარაკეტო და 13 საჰაერო დარტყმა განახორციელა, ასევე  განხორციელდა 60-მდე დაბომბვა მრავალჯერადი სარაკეტო სისტემებიდან“, - ნათქვამია მოხსენებაში.

გენერალური შტაბი ასევე იტყობინება, რომ თავდაცვის ძალების ავიაციამ მტერს ბოლო დღის განმავლობაში 16 დარტყმა მიაყენა.

ასევე, გენერალური შტაბის ინფორმაციით, გასული დღის განმავლობაში თავდაცვის ძალებმა ჩამოაგდეს ორლან-10 უპილოტო საფრენი აპარატი, სარაკეტო და საარტილერიო დანაყოფებმა დაარტყეს 2 სამეთაურო პუნქტს, ცოცხალი ძალის, იარაღისა და სამხედრო ტექნიკის კონცენტრაციის 11 უბანს. ასევე 2 სხვა მნიშვნელოვან სამიზნეს.