ომის 56-ე დღე უკრაინა - რა უნდა ვიცოდეთ

რუსეთი უკრაინაში სამხედრო ინტერვენციას აგრძელებს:
 

• უკრაინის პრეზიდენტმა, ვოლოდიმირ ზელენსკიმ განაცხადა, რომ „მნიშვნელოვნად გახშირდა“  რუსეთის შეიარაღებულმა ძალების შეტევა ხარკოვის, დონბასისა და დნიპროს მიმართულებით.  რუსეთის ოფიციალური პირების განცხადებით, ბოლო დღეებში მათ იერიში  დონბასისა და ხარკოვის რეგიონებში მდებარე  1 260-მდე სამხედრო პუნქტზე მიიტანეს.

• ზელენსკიმ ასევე აღნიშნა, რომ მარიუპოლში საკმაოდ რთული ვითარებაა: „რუსეთის შეიარაღებული ძალები ჰუმანიტარული დერეფნების ორგანიზების საშუალებას არ გვაძლევენ. ათი ათასობით ადამიანის ბედი, რომლებიც იქ იმყოფებიან, უცნობია“.

 
· 

• სერგეი ლავროვმა განაცხადა, რომ რუსეთი უკრაინაში ბირთვულ იარაღს არ გამოიყენებს. 

„ოპერაცია უკრაინის აღმოსავლეთში, როგორც თავიდანვე იყო გამოცხადებული, მიზნად ისახავს დონეცკისა და ლუგანსკის რესპუბლიკების სრულად გათავისუფლებას. ეს ოპერაცია გაგრძელდება“, - განაცხადა რუსეთის საგარეო უწყების ხელმძღვანელმა.

• კანადის მთავრობის ხელმძღვანელის თქმით, ქვეყანა აკვირდება უკრაინაში შექმნილ ვითარებას და ახდენს მოქმედებების კოორდინაციას პუტინის უკანონო შეჭრაზე რეაგირებისთვის.

„კანადა უკრაინას მძიმე არტილერიას მიაწოდებს“, - განაცხადა ტრიუდომ. 
 

• ევროკომისიაში აცხადებენ, რომ, ნავთობის სფეროში, რუსეთის წინააღმდეგ მორიგ სანქციებზე მუშაობენ. ევროკომისიის მთავარი სპიკერი, ერიკ მამერი აცხადებს, რომ ამ დროისთვის მას არ შეუძლია დამატებითი დეტალების დასახელება.