„ნუ ყიდულობთ ლურჯ-ყვითელ ჰუდებს სოლიდარობის გამოსახატად... გადარიცხეთ თანხა. ზოგიერთ ქალაქში ხალხი შიმშილობს“ - ნიკოლოზ წულუკიძე საზოგადოებას მიმართავს

„წითელი ჯვრის კეთილი ნების ელჩი“ - ამ სტატუსით იმყოფება უკვე თითქმის 1 კვირაა მსახიობი და ტელეწამყვანი ნიკოლოზ წულუკიძე უკრაინაში. ამჯერად ის საზოგადოებას შემდეგი თხოვნით მიმართავს:

„რომ იცოდეთ, რა ბედნიერი ვარ, სადაც კი საქართველოს დროშით გვხედავენ, მოდიან და მადლობას გვეუბნებიან, ამ ქვეყანაში განსაკუთრებულად უყვართ საქართველო და ქართველები. გთხოვთ, ნუ ყიდულობთ ლურჯ-ყვითელ ჰუდებს სოლიდარობის გამოსახატად, ვისაც მართლა დახმარება გინდათ, გადარიცხეთ თანხა. ზოგიერთ ქალაქში ხალხი შიმშილობს. არ იშოვება საწვავი, წყალი, არ არის ელექტრო ენერგია.

p.s.ეს მოლდაველი ქალი ჩერნევცის საერთო საცხოვრებლის დირექტორია, 300 კაცი შეიფარა და წითელი ჯვრის დახმარების მიღებამდე ქუჩა-ქუჩა აგროვებდა დევნილებისთვის საკვებს. მესამე დღეა სირენა არ ჩართულა და ბუნკერში არ ჩავსულვართო“, - წერს წულუკიძე.