მსოფლიო უკრაინაში ომის გაგრძელებისთვის უნდა მოემზადოს - ჟან-ივ ლე დრიანი

საფრანგეთის საგარეო საქმეთა მინისტრის, ჟან-ივ ლე დრიანის განცხადებით, მსოფლიო უკრაინაში ომის გაგრძელებისთვის უნდა მოემზადოს, ამის შესახებ ლე დრიანმა G7-ის სამიტზე განაცხადა.

"ჩვენ ახლა უნდა გავუმკლავდეთ კონფლიქტს, რომელიც გაგრძელდება და შესაბამისად, ასევე გრძელვადიან პერსპექტივაში უნდა გავუმკლავდეთ ამ კონფლიქტის შედეგებს საერთაშორისო დონეზე და განსაკუთრებით, სასურსათო უსაფრთხოების სფეროში. G7-ის ქვეყნები ომში არ არიან ჩართული, მაგრამ ამ ომში არის აგრესორი და მსხვერპლი, ჩვენ მხარს ვუჭერთ მას, ვისაც თავს დაესხნენ,” - თქვა ლე დრიანმა.