მოლაპარაკებების გზით უკრაინაში ომის სწრაფად დასრულების შანსი პრაქტიკულად არ არსებობს - მერცი

 გერმანიის კანცლერის, ფრიდრიხ მერცის განცხადებით, უკრაინაში მოლაპარაკებების გზით ომის სწრაფად დასრულების შანსი პრაქტიკულად არ არსებობს. ინფორმაციას DW ავრცელებს.

„ჩემი შეფასებით, ეს ომი მხოლოდ მაშინ დასრულდება, როცა ერთ-ერთი მხარე გამოიფიტება ან სამხედრო, ან ეკონომიკური თვალსაზრისით“, - ციტირებს მედია მერცს.

გერმანიის მთავრობის თავმჯდომარის განცხადებით, გონივრული და ჰუმანიტარული არგუმენტებით პუტინს ომის შეწყვეტაში ვერ დაარწმუნებენ. „ეს მწარე სიმართლეა“, - დასძინა მან.

ამიტომ, როგორც მერცი ამბობს, ევროპული ქვეყნების ძალისხმევის მიზანს წარმოადგენს ის, რომ „რუსეთის სახელმწიფოს აღარ შეეძლოს ომის გაგრძელება სამხედრო საშუალებებით და ეკონომიკურად მისი დაფინანსება“, - თქვა კანცლერმა.