კომპანია Renault-ი რუსეთთან თანამშრომლობას წყვეტს

ფრანგული ავტომობილების მწარმოებელი კომპანია Renault-ი რუსეთთან თანამშრომლობას წყვეტს. ამის შესახებ ინფორმაციას კომპანია ავრცელებს.

„რუსეთში Renault-ის სამრეწველო საქმიანობა დღეიდან შეჩერებულია“, - აღნიშნულია კომპანიის მიერ გავრცელებულ განცხადებაში.

ცნობისთვის კომპანია ჯერ  კიდევ გუშინ რუსეთის ბაზრიდან გამოსვლაზე უარს აცხადებდა.

Renualt-ის მიერ რუსეთის ბაზრის არ დატოვების ფაქტს უკრაინის საგარეო საქმეთა მინისტრიც გამოეხმაურა.

დიპლომატი საზოგადოებას მოუწოდებდა უარი ეთქვა ამ კომპანიის ავტომობილებზე, რადგან მათ შეცდომისთვის ფასი უნდა გადაეხადათ.