ჯანმოში აცხადებენ, რომ უკრაინაში ომმა შესაძლოა, კოვიდ-19-ის პანდემია გააუარესოს

ჯანდაცვის მსოფლიო ორგანიზაციაში აცხადებენ, რომ უკრაინაში ომმა შეიძლება, გააძლიეროს Covid-19 პანდემია. ამის შესახებ CNN წერს. 

მათი ინფორმაციით, რეგიონში შემთხვევები შემცირდა წინა კვირასთან შედარებით, მაგრამ არსებობს უფრო მძიმე ავადმყოფობისა და სიკვდილის რისკი უკრაინაში ვაქცინაციის დაბალი მაჩვენებლის გამო და 2 მილიონზე მეტ ადამიანს შორის, ვინც ქვეყნიდან გაიქცა მიმდებარე რაიონებში.

Covid-19-ის ვაქცინაციის მაჩვენებელი უკრაინაში დაახლოებით 34%-ია, ხოლო მეზობელ მოლდოვაში დაახლოებით 29%.

ჯანდაცვის მსოფლიო ორგანიზაციის სიტუაციის შესახებ კვირას გამოქვეყნებული ანგარიშის მიხედვით, 3 მარტიდან 9 მარტამდე უკრაინასა და მეზობელ ქვეყნებში სულ 791,021 ახალი Covid-19 შემთხვევა და 8,012 ახალი გარდაცვალება ფიქსირდება.