იზიუმში მასობრივ სამარხში 400-ზე მეტი ცხედარი იპოვეს - ზელენსკი

„რუსეთი მხოლოდ სიკვდილს და ტანჯვას ტოვებს“, - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა და რუსი ოკუპანტების მიერ იზუმში ჩადენილი მორიგი სისასტიკის შესახებ საუბრობს.

მისი თქმით, ადგილზე 400-ზე მეტი ცხედარი იპოვეს, წამების ნიშნებით, გარდაცვლილებს შორის კი ბავშვებიც არიან.

მისივე თქმით, შურისძიება სამართლიანად საშინელი იქნება.

„ეს მთელმა მსოფლიომ უნდა ნახოს. სამყარო, რომელშიც არ უნდა იყოს სისასტიკე და ტერორიზმი. მაგრამ ეს ყველაფერი იქ არის. და მისი სახელია რუსეთი. იზიუმში მასობრივ სამარხზე 400-ზე მეტი ცხედარი იპოვეს. წამების ნიშნებით, ბავშვები, სარაკეტო თავდასხმის შედეგად დაღუპულები, უკრაინის შეიარაღებული ძალების მეომრები. რუსეთი მხოლოდ სიკვდილს და ტანჯვას ტოვებს. მკვლელები. მწამებლები. მოკლებულია ყველაფერს ადამიანურს. არ გაიქცევი. არ დაგიმალავთ. შურისძიება სამართლიანად საშინელი იქნება. ყოველი უკრაინისთვის, ყოველი წამებული სულისთვის“, - წერს ვოლოდიმირ ზელენსკი სოციალურ ქსელში.