IRI-ს კვლევა უკრაინაში: პოლონეთი, ბრიტანეთი, აშშ, საქართველო, კანადა - ქვეყნების ხუთეული, რომელთა მხარდაჭერას ყველაზე მეტად გრძნობს უკრაინელი ხალხი

საქართველო შედის იმ ქვეყანათა ხუთეულში, რომელთა მხარდაჭერას ყველაზე მეტად გრძნობს უკრაინელი ხალხი, ამის შესახებ კვლევას  IRI აქვეყნებს. საქართველოს გარდა, ხუთეულში შედიან: პოლონეთი, ბრიტანეთი, აშშ და კანადა.

კვლევა 30 მარტიდან 2 აპრილამდე პერიოდში ჩატარდა და გამოიკითხა 18 წელზე ზემოთ ასაკის 2001 ადამიანი მთელი უკრაინის მასშტაბით, გარდა ოკუპირებული ტერიტორიებისა.

​კითხვაზე, თქვენი აზრით, რომელმა ქვეყნებმა და საერთაშორისო ორგანიზაციებმა გაუწიეს მხარდაჭერა  უკრაინას რუსეთის სამხედრო აგრესიის კონტექსტში, გამოკითხულთა 67% მიიჩნევს, რომ პოლონეთმა, 56% აცხადებს, რომ დიდმა ბრიტანეთმა, 54% პროცენტი აშშ-ს ასახელებს, ხოლო 17% ფიქრობს, რომ საქართველომ. ამასთან, გამოკითხულთა 8% მიიჩნევს, რომ კანადამ, შვიდ-შვიდი პროცენტი ასახელებს რუმინეთსა და საფრანგეთს, ხოლო 4 პროცენტი ფიქრობს, რომ ლიეტუვამ.

IRI-ის კვლევა უკრაინის მასშტაბით, 30 მარტიდან 12 აპრილის დროის პერიოდში ჩატარდა (გარდა ოკუპორებული ტერიტორიებისა – ყირიმის, დონეცკისა და ლუგანსკის ოლქებისა). საერთო ჯამში მასში მონაწილეობა მიიღო 20 001-მა 18 წლისა და 18 წელს გადაცილებულმა ადამიანმა. კვლევა ძირითად სატელეფონო იყო. კვლევის ცდომილება 2 პროცენტს შეადგენს.

კვლევის შესახებ დამატებითი ინფორმაცია შეგიძლიათ იხილოთ გრაფიკებზე: