იენს სტოლტენბერგმა ზელენსკისთან სამხედრო მხარდაჭერის პრიორიტეტებზე ისაუბრა

ნატო-ს გენერალურმა მდივანმა, იენს სტოლტენბერგმა უკრაინის პრეზიდენტთან ვოლოდიმირ ზელენსკისთან მოლაპარაკება გამართა.

სტოლტენბერგმა ზელენსკისთან უკრაინისთვის სამხედრო მხარდაჭერისა და მოკავშირეების მხრიდან დახმარების გაფართოების საკითხები განიხილა.

„ვისაუბრეთ სამხედრო მხარდაჭერის პრიორიტეტებზე. უკიდურესად მნიშვნელოვანია, რომ ნატო-მ და მოკავშირეებმა გაუწიონ მეტი დახმარება უკრაინას და ეს უფრო სწრაფად გააკეთონ. ვისაუბრეთ მარცვლეულის პირველ პარტიაზეც და ამ მიმართულებით შეთანხმების სრული რეალიზაციის მნიშვნელობაზე“,- დაწერა სტოლტენბერგმა „ტვიტერის“ გვერდზე.

Good call w/Pres @ZelenskyyUa on priorities for military support. It’s vital that #NATO & Allies provide even more assistance to #Ukraine even faster. Also discussed 1st shipment of grain since #Russia’s invasion & need to fully implement deal sponsored by @UN & our Ally Türkiye.

— Jens Stoltenberg (@jensstoltenberg) August 2, 2022