გაერო-ს მონაცემებით, უკრაინაში რუსეთის მიერ ომის დაწყებიდან 1 800-ზე მეტი მშვიდობიანი მოქალაქე დაიღუპა

გაერო-ს მონაცემებით, რუსეთის მიერ უკრაინაში ომის დაწყებიდან 1 800-ზე მეტი მშვიდობიანი მცხოვრები დაიღუპა. ინფორმაციას უკრაინული მედია ავრცელებს. 

გაერო-ს მონაცემებით, 24 თებერვლიდან 10 აპრილამდე უკრაინაში დაღუპულია 1 842 სამოქალაქო პირი, ხოლო 2 493 დაშავებულია. მსხვერპლთა შორის 148 ბავშვია.

უკრაინული მედიის ცნობით, ქვეყნის ზოგიერთ რეგიონში ნაღმების გამო, სამოქალაქო მოსახლეობას შორის მსხვერპლის დათვლა შეუძლებელია.