1730738460
უკრაინის შეიარაღებული ძალები რუსეთის კურსკის ოლქში ჩრდილოკორეელ სამხედროებთან პირველ შეტაკებებს აწარმოებს. ინფორმაციას The Financial Times-ი ავრცელებს.
როგორც უკრაინის ოფიციალური პირები გამოცემას უყვებიან, უკრაინული ჯარი ჩრდილოკორეულ საჯარისო შენაერთებთან ბრძოლას კურსკის ოლქის დასავლეთ ნაწილში აწარმოებს.
„ჩრდილოეთ კორეიდან შემოსული სამხედროები კურსკში პირველად მოყვნენ ცეცხლში“, - ციტირებს გამოცემა უკრაინის უშიშროების ეროვნული საბჭოს წარმომადგენელს ანდრეი კოვალენკოს. ჩრდილოეთ კორეის სამხედროებთან შეტაკების სხვა დეტალები უცნობია.
როგორც უკრაინის თავდაცვის სამინისტროს დაზვერვის მთავარი სამმართველო რამდენიმე დღის წინ იუწყებოდა, რუსეთმა კურსკის ოლქში დისლოცირებული ჩრდილოკორეელი სამხედროები 60 მილიმეტრიანი ნაღმმტყორცნებით, შაშხანებით, ტყვიამფრქვევებით, სნაიპერული შაშხანებით, ტანკსაწინააღმდეგო ჭურვებით აღჭურვა. მათ ნაწილს ღამის ხედვის საშუალებებიც აქვთ
