„ეს რუს დედებს, რუს ქალებს აჩვენეთ“ - რის ჩვენებას ითხოვს უკრაინის პირველი ლედი რუსებისთვის

„ოკუპანტები უკრაინელ ბავშვებს შეგნებულად და ცინიკურად ხოცავენ. აჩვენეთ მათი სურათები რუს დედებს, ქალებს, იცოდნენ რას აკეთებენ უკრაინაში მათი შვილები, ქმრები, ძმები, თანამემამულეები..." - ასე მიმართავს მედიას უკრაინის პირველი ლედი, ელენა ზელენსკა. 

ის NATO-ს წევრ ქვეყნებს რუსული ავიაციისთვის საჰაერო სივრცის დახურვას ითხოვს. ამის შესახებ ვოლოდიმერ ზელენსკის მეუღლე სოციალურ ქსელში ვრცელ პოსტს აქვეყნებს და დაღუპული უკრაინელი ბავშვების ფოტოებს ასაჯაროებს იმისთვის, რომ ნახონ რუსმა ქალებმა... 

"ოკუპანტები უკრაინელ ბავშვებს შეგნებულად და ცინიკურად ხოცავენ.

სოფია, 6 წლის. ის, მისი წელიწად-ნახევრის ძმა, რომლის დედა, ბებია და ბაბუა მათ მანქანაში დახვრიტეს. ოჯახმა "ნოვა კაჩოვკას" დატოვება სცადა და რუსული ჯარების თავდასხმით დასრულდა.

ჩვენი ბავშვები - ალისა უკრაინის ქალაქ ოჩტირკიდან. ის 8 წელზე მეტის არ ყოფილა, სროლის დროს ბაბუასთან ერთად გარდაიცვალა, რომელიც მის დაცვას საკუთარი სხეულით ცდილობდა.

პოლინა კიევიდან - ის მშობლებთან და ძმასთან ერთად დედაქალაქის ქუჩებში სროლის დროს დაიღუპა. მისი დის მდგომარეობა მძიმეა.

არსენი 14 წლის - თოფიდან ნასროლი ბიჭს თავში მოხვდა. სროლის გამო სასწრაფო დახმარების თანამშრომლებმა მასთან მიახლოება ვერ შეძლეს. მისი დეიდა მოკლეს... 

მარიუპოლიდან 18 თვის კირილი მშობლებმა საავადმყოფოში ტყვიის გასროლის შედეგად გადაიყვანეს... 

სულ მცირე 38 ბავშვი უკვე მოკლეს უკრაინაში და ეს რიცხვი შეიძლება ახლავე გაზარდოს...

როცა რუსეთში ამბობენ, რომ მოსახლეობასთან არ ომობენ, აჩვენეთ ეს სურათები! ეს იმ ბავშვების სახეებია, რომლებიც აღარასოდეს გაიზრდებიან. კიდევ რამდენი ბავშვი უნდა მოკვდეს, რომ რუსმა ჯარებმა სროლა შეწყვიტონ და ჰუმანიტარულ დერეფნებზე შეთანხმდნენ?

კიდევ რამდენი სისხლი უნდა დაიღვაროს და ბევრი ადამიანი მოკვდეს შიმშილით, რომ რუსეთის ჯარებმა შეწყვიტონ მშვიდობიანი მოქალაქეების კუთვნილი მანქანების განადგურება და ჰუმანიტარული მისიები განახორციელონ?

ასეთი დერეფანი ამჟამად საჭიროა უკრაინის ყველაზე ინტენსიურ ქალაქებში. ასობით ბავშვი შეიძლება დაიღუპოს იქ, სარდაფებში საკვებისა და სამედიცინო დახმარების გარეშე. ოკუპანტები ცეცხლს მთელ ოჯახებს და მოხალისეებს უხსნიან, როდესაც ისინი ქალაქიდან გასვლას ან ქალაქებში შესვლას ცდილობენ.

მოვუწოდებთ ყველა პატიოსან მედიას ამ სამყაროში! შეატყობინეთ ეს საშინელი ფაქტები:

რუსი დამპყრობლები კლავენ ბავშვებს. და ამას განზრახ აკეთებენ, ესვრიან მსხვერპლს და არ უშვებენ ჰუმანიტარულ დახმარებას. ეს რუს დედებსაც აჩვენეთ. მათ უნდა იცოდნენ, რას აკეთებენ მათი შვილები უკრაინაში.

აჩვენეთ რუს ქალებს ეს ფოტოები - ეს მათი ქმრები, ძმები, თანამემამულეები არიან, რომლებიც კლავენ ბავშვებს და ამავე დროს, შესაძლოა, ჰყავთ საკუთარიც კი!

ვინც ჩუმად ეთანხმება ამ დანაშაულს, პასუხისმგებელია ყველა უკრაინელი ბავშვის სიკვდილზე. MATO-ს ქვეყნებო საბოლოოდ დახურეთ საჰაერო სივრცე რუსული თვითმფრინავებისთვის! გადაარჩინეთ ჩვენი შვილები, რომ ხვალ შენი არ მოკვდეს!" - წერს პირველი ლედი.