„დიახ, დამირეკა“ - დუგინას მკვლელობაში ეჭვმიტანილის მამამ ქალიშვილის ზარზე ისაუბრა

დარია დუგინას მკვლელობაში ეჭვმიტანილის, ნატალია ვოვკის მამამ თქვა, რომ ქალიშვილმა მას რამდენიმე დღის წინ დაურეკა და უთხრა, რომ ბალტიისპირეთში იყო.

„დიახ, დაახლოებით სამი-ოთხი დღის წინ დამირეკა ინტერნეტის საშუალებით“,- ციტირებს „რია ნოვოსტი“ ვოვკის მამას.

მამაკაცმა აღნიშნა, რომ არ იცოდა, როგორ აღმოჩნდა მისი ქალიშვილი რუსეთში.

მისმა მეუღლემ ასევე დაადასტურა, რომ ნატალია ვოვკმა დარეკა ბალტიისპირეთის ერთ-ერთი ქვეყნიდან - ლიეტუვიდან ან ლატვიიდან. ნატალიას თან ახლდა ბავშვი და კატა.

ალექსანდრე დუგინის ქალიშვილი დაიღუპა 20 აგვისტოს საღამოს, როდესაც ის ფესტივალიდან ბრუნდებოდა. დაახლოებით საღამოს 9 საათზე ის ავტოსადგომიდან Toyota Land Cruiser-ით გავიდა. 

FSB-ის ცნობით, უკრაინელმა ნატალია ვოვკმა დუგინას მანქანის ქვეშ ასაფეთქებელი ნივთიერება ჩადო. ეჭვმიტანილმა და მისმა ქალიშვილმა სოფიამ დატოვეს რუსეთის ტერიტორია და დარია დუგინას მკვლელობის მეორე დღეს - 21 აგვისტოს ესტონეთში გაემგზავრნენ. ფსკოვის რაიონში სასაზღვრო კვეთის გადაკვეთისას რუხ Mini Cooper-ს უკვე ჰქონდა უკრაინული სანომრე ნიშნები.