დაიცავით ცა უკრაინის თავზე! ეს დაიცავს ევროპის მომავალს - ჩვენი სიმამაცე არასოდეს განადგურდება ტერორისტების რაკეტებით - რეზნიკოვი

ჩვენი სიმამაცე არასოდეს განადგურდება ტერორისტების რაკეტებით, მაშინაც კი, როცა ისინი ჩვენი დედაქალაქის შუაგულს ხვდებიან, - ამის შესახებ უკრაინის თავდაცვის მინისტრი, ოლექსი რეზნიკოვი „ტვიტერზე“ წერს.

„ეს რაკეტები ვერც ჩვენი მოკავშირეების სიმტკიცეს შეარყევენ. ერთადერთი, რასაც ისინი შეუქცევად ანადგურებენ, არის რუსეთის მომავალი - გლობალურად საზიზღარი თაღლითი ტერორისტული სახელმწიფოს მომავალი“, - წერს რეზნიკოვი.

მისი თქმით, რუსეთის სარაკეტო ტერორზე საუკეთესო პასუხი არის უკრაინისთვის ჰაერსაწინააღმდეგო და რაკეტსაწინააღმდეგო სისტემების მიწოდება.

„რუსეთის სარაკეტო ტერორზე საუკეთესო პასუხი არის უკრაინისთვის ჰაერსაწინააღმდეგო და რაკეტსაწინააღმდეგო სისტემების მიწოდება - დაიცავით ცა უკრაინის თავზე! ეს დაიცავს ჩვენ ქალაქებს და ჩვენ ხალხს. ეს დაიცავს ევროპის მომავალს. ბოროტება უნდა დაისაჯოს“, - წერს მინისტრი.

მისი თქმით, სარაკეტო დარტყმები ომის დანაშაულია და სარაკეტო ტერორისტები უნდა დაისაჯონ.

„ჩვენი მტერი თვლის, რომ სარაკეტო დარტყმები დაშინების ეფექტური საშუალებაა. ასე არ არის. რაკეტები ომის დანაშაულებია. მშვიდობიანი მოქალაქეები იღუპებიან და შავდებიან. უკრაინამ, ცივილიზებული სამყაროს მხარდაჭერით, უნდა დასაჯოს სარაკეტო ტერორისტები და ის ამას გააკეთებს“, - წერს მინისტრი.