ბორელი: რუსეთის უკრაინაში შეჭრის შემდეგ, ქალაქ მარიუპოლში 2 400-ზე მეტი მშვიდობიანი მოქალაქე დაიღუპა

საგარეო პოლიტიკისა და უსაფრთხოების საკითხებში ევროკავშირის უმაღლესმა წარმომადგენელმა, ჟოზეფ ბორელმა განაცხადა, რომ რუსეთის უკრაინაში შეჭრის შემდეგ, ქალაქ მარიუპოლში 2 400-ზე მეტი მშვიდობიანი მოქალაქე დაიღუპა. ინფორმაციას Reuters-ი ავრცელებს.

სკოპიეში გამართულ პრესკონფერენციაზე გამოსვლისას, საგარეო პოლიტიკისა და უსაფრთხოების საკითხებში ევროკავშირის უმაღლესმა წარმომადგენელმა აღნიშნა, რომ ომის გამო, 2.6 მილიონზე მეტი ადამიანი უკრაინიდან გაიქცა, ხოლო ლტოლვილთა რიცხვი შესაძლოა 4-5 მილიონამდე გაიზარდოს.