აშშ უკრაინისთვის დახმარების კიდევ ერთ რაუნდს გამოაცხადებს - ჯონ კირბი

თეთრი სახლი დღეს უკრაინის სამხედრო დახმარების მორიგ პაკეტს გამოაცხადებს, - ამის შესახებ აშშ-ის ეროვნული უშიშროების საბჭოს სტრატეგიული კომუნიკაციების კოორდინატორმა, ჯონ კირბიმ განაცხადა.

"აშშ უკრაინისთვის დახმარების კიდევ ერთ რაუნდს გამოაცხადებს. ის, ძირითადად, მოიცავს საბრძოლო მასალასა და აღჭურვილობას, რაც უკრაინელებს დასჭირდებათ იმ სისტემებისთვის, რომლებიც უკვე აქვთ, როგორიცაა ,,ჰაიმარსები"" და არტილერია.ბუნებრივია გაგრძელდება უკრაინის შემდგომი მხარადჭერა,"-აცხადებს ჯონ კირბი.

შეგახსენებთ, რამდენიმე დღის წინ, ჯო ბაიდენის ადმინისტრაციამ უკრაინისთვის დახმარების კიდევ ერთი, 2 მილიარდი დოლარის ღირებულების პაკეტი გამოაცხადა.