ამერიკელი დიპლომატები უკრაინაში მომავალი კვირიდან დაბრუნდებიან - ენტონი ბლინკენი

ამერიკელი დიპლომატები უკრაინაში მომავალი კვირიდან დაბრუნდებიან, ამის შესახებ აშშ-ის სახელმწიფო მდივანმა ენტონი ბლინკენმა განაცხადა.

„ამის შემდეგ ისინი დაიწყებენ პროცესის განხილვას, თუ როგორ გავხსნით საელჩოს კიევში, ვფიქრობ, ეს მოხდება რამდენიმე კვირაში. ჩვენ ამას განზრახ ვაკეთებთ. ჩვენ ამას ყურადღებით ვაკეთებთ ჩვენი პერსონალის უსაფრთხოების გათვალისწინებით“, - აღნიშნა აშშ-ის სახელმწიფო მდივანმა.

ენტონი ბლინკენის თქმით, აშშ-ის პრეზიდენტი, ჯო ბაიდენი უკრაინაში აშშ-ის ელჩად ბრიჯიტ ბრინკის კანდიდატურას წარადგენს.