ზელენსკი: დღეს მივიღეთ განახლებული სადაზვერვო მონაცემები რუსეთის მიერ მასშტაბური დარტყმის მომზადების შესახებ

უკრაინის პრეზიდენტის, ვოლოდიმირ ზელენსკის განცხადებით, უკრაინულმა დაზვერვამ რუსეთის მხრიდან ახალი მასშტაბური დარტყმის სამზადისის შესახებ განახლებული ინფორმაცია მიიღო.

„დღეს მივიღეთ განახლებული სადაზვერვო მონაცემები რუსეთის მიერ მასშტაბური დარტყმის მომზადების შესახებ. ჩვენ საპასუხო ზომებს ვამზადებთ“, - განაცხადა ქვეყნის მეთაურმა.

პრეზიდენტმა დასძინა, რომ ამოცანების დიდ ნაწილზე უკვე დადგენილია შესრულების ვადები, ხოლო ყველაზე პრიორიტეტული ნაბიჯები ამჟამად ხორციელდება.