ზელენსკი აცხადებს, რომ ევროპამ უკრაინისთვის უსაფრთხოების გარანტიები მკაფიოდ უნდა განსაზღვროს

უკრაინის პრეზიდენტმა, ვოლოდიმირ ზელენსკიმ ვირტუალური შეხვედრა გამართა პოლონეთის, ლიეტუვის, ლატვიის, ესტონეთისა და დანიის ლიდერებთან, კაროლ ნავროცკისთან, გიტანას ნაუსედასთან, ედგარს რინკევიჩსთან, ალარ კარისთან და მეტე ფრედერიქსენთან.

ლიდერებმა უკრაინის უსაფრთხოების გარანტიებზე, არმიის გრძელვადიან მხარდაჭერასა და რუსეთზე ზეწოლის გაზრდაზე ისაუბრეს.

ვოლოდიმირ ზელენსკიმ შეხვედრაზე ევროპას უკრაინისთვის უსაფრთხოების გარანტიების მკაფიოდ განსაზღვრისკენ მოუწოდა.

„უსაფრთხოების გარანტიებზე როდესაც ვსაუბრობთ, ჩვენ გვჭირდება მკაფიო პასუხები – ვინ დაგვეხმარება დაცვაში მიწაზე, ჰაერში და ზღვაზე, თუ რუსეთი კვლავ მოვა? და როგორ შეგიძლიათ, ამაში მონაწილეობა მიიღოთ. მე გთხოვთ განსაზღვროთ თქვენი როლი. მნიშვნელოვანია, პრეზიდენტმა დონალდ ტრამპმა დაინახოს, რომ ჩვენ ევროპაში ერთიანები ვართ ომის დასრულების გადაწყვეტილებაში“, – განაცხადა ზელენსკიმ.