ვრცელდება ინფორმაცია სამხრეთ კორეაში ჩამოვარდნილი თვითმფრინავის შავ ყუთში არსებულ ჩანაწერზე

სამხრეთ კორეაში ავიაკატასტროფის დროს ჩამოვარდნილი თვითმფრინავის შავი ყუთების მიერ ინფორმაციის ჩაწერა ავიაკატასტროფამდე 4 წუთით ადრე შეწყდა - ამის შესახებ ინფორმაციას Reuters-ი ტრანსპორტის სამინისტროზე დაყრდნობით ავრცელებს.

უწყების ცნობით, შავი ყუთების მუშაობის შეჩერების საკითხს შესაბამისი სამსახურები გამოიძიებენ. სამინისტროში ამბობენ, რომ თვითმფრინავის ხმის ჩამწერი მოწყობილობა ჯერ სამხრეთ კორეაში შეამოწმეს, შემდეგ კი დაზიანებული მოწყობილობა აშშ-ში გაგზავნეს.

შეგახსენებთ, რომ მუანის აეროპორტში ავიაკატასტროფა 29 დეკემბერს მოხდა და 179 ადამიანის სიცოცხლე იმსხვერპლა. გადარჩა ეკიპაჟის მხოლოდ 2 წევრი.

წყარო: