ვიქტორ ორბანი: უნგრეთს აქვს თავისი ეროვნული ინტერესები და ჩვენ არ ვართ მზად, ჩვენი ინტერესები ბრიუსელის დემოკრატიას დავუქვემდებაროთ

 უნგრეთის პრემიერ-მინისტრი ვიქტორ ორბანი ევროკავშირს, ბუდაპეშტის ომში ჩათრევის მცდელობაში ადანაშაულებს. მისი თქმით, უნგრეთი სუვერენული ქვეყანაა თავისი ეროვნული ინტერესებით, რომელიც ბრიუსელის ბიუროკრატიას არ დაექვემდებარება.

„უნგრეთს აქვს თავისი ეროვნული ინტერესები და ჩვენ არ ვართ მზად, ჩვენი ინტერესები ბრიუსელის დემოკრატიას დავუქვემდებაროთ. ბრიუსელს აქვს საკუთარი მოსაზრება იმასთან დაკავშირებით, თუ როგორ უნდა იქცეოდეს სრულიად ევროპა. მათ სურთ, ყველა ომის მხარეს იყოს, ჩვენ კი არ გვსურს. ჩვენ ვამბობთ, რომ გვაქვს ჩვენი ქვეყანა, ჩვენი შეხედულებები, ცხოვრების წესი და მივდივართ ჩვენი, უნგრული გზით“, - განაცხადა ორბანმა.