ვიქტორ ორბანი: უკრაინაში ომის დაფინანსებას თავისი ღირებულება აქვს, როგორც კი გადასახადები მოვა, საზოგადოებრივი აზრი იცვლება, ხალხი და არა ელიტა შეაჩერებს ევროპის ომში ჩაბმას

უნგრეთის პრემიერ-მინისტრი ვიქტორ ორბანი აცხადებს, რომ ევროკავშირის უმეტესი ნაწილი ომს კიდევ უფრო უახლოვდება. მისივე თქმით, უნგრეთი, სლოვაკეთი და ჩეხეთი ამ არეულობას ერიდებიან.

„უნგრეთში ომისგან თავისუფალ შობას გავატარებთ, მაგრამ ომის საფრთხე ჯერ კიდევ არ გამქრალა. ევროკავშირის უმეტესი ნაწილი ომს კიდევ უფრო უახლოვდება და უკრაინას 90 მილიარდი ევროს სესხს უგზავნის. საბედნიეროდ, უნგრეთი, სლოვაკეთი და ჩეხეთი ამ არეულობას ერიდებიან. ჩვენი გადასახადის გადამხდელების ფულის არც ერთი პროცენტი არ წავა უგუნური ომის სესხის აღებაში. ჩვენ მშვიდობას ვირჩევთ“, -წერს ორბანი სოციალურ ქსელში.

ამასთან, ორბანის თქმით, ევროპაში უკრაინის ომის დაფინანსებასთან დაკავშირებით საზოგადოებრივი აზრი მაშინ შეიცვლება, როდესაც გადასახადების გადახდის დრო მოვა.

„აშშ-რუსეთის მოლაპარაკებებმა შეიძლება, ცეცხლის შეწყვეტა გამოიწვიოს, ასევე ხანგრძლივი მშვიდობაც კი უკრაინის მონაწილეობით. ამასობაში, დასავლეთ ევროპაში დიდი ტყუილი ინგრევა – ამ ომის დაფინანსებას ფინანსური ღირებულება აქვს. როგორც კი გადასახადები მოვა, საზოგადოებრივი აზრი იცვლება. ხალხი და არა ელიტა შეაჩერებს ევროპის ომში ჩაბმას“, – განაცხადა ორბანმა.