VIDEO: სეტყვის შოკისმომგვრელი კადრები, დაშავებულია 100-ზე მეტი ადამიანი - სტიქია იტალიაში

ჩრდილოეთ იტალიაში ჩოგბურთის ბურთის ზომის სეტყვა წამოვიდა. როგორც CNN წერს, შედეგად, სულ მცირე 110-მა ადამიანმა მიიღო დაზიანებები.

ვენეტოს რეგიონალური პრეზიდენტის ლუკა ძაიას განცხადებით, სეტყვა მოულოდნელად ამოვარდნილ ქარიშხალს მოჰყვა, ციდან წამოსული ყინულის ბურთულების დიამეტრმა კი 10 სანტიმეტრი შეადგინა.

შედეგად, გადაუდებელი დახმარების ცენტრებს დახმარების სათხოვნელად 500-ზე მეტმა ადამიანმა მიმართა.

სტიქიამ ჩაამსხვრია ფანჯრები, მოგლიჯა ხეები და დააზიანა ავტომობილები.