ვალერი ზალუჟნი: უკრაინამ ომის გრძელვადიან შეწყვეტაზე უარი არ უნდა თქვას

 უკრაინამ ომის გრძელვადიან შეწყვეტაზე უარი არ უნდა თქვას, - წერსუკრაინის შეიარაღებული ძალების ყოფილი მთავარსარდალი და ამჟამად უკრაინის ელჩი დიდ ბრიტანეთში ვალერი ზალუჟნი საკუთარ ბლოგში.

ზალუჟნის განცხადებით, უკრაინისთვის ომში გამარჯვება რუსეთის იმპერიის დაშლა იქნებოდა, რაც არ ხერხდება, გრძელვადიანი შეთანხმება კი ომების ისტორიაში ყველაზე აპრობირებული მეთოდია და ის უკრაინას პოლიტიკური ცვლილებების, რეფორმების გატარების, ეკონომიკის განვითარებისა და მოქალაქეების დაბრუნების საშუალებას მისცემს.

„როდესაც ვსაუბრობთ გამარჯვებაზე, გულწრფელად რომ ვთქვათ, გამარჯვება ჩვენთვის რუსეთის იმპერიის დაშლა იქნება, დამარცხება კი უკრაინის დაშლა და მისი სრული ოკუპაცია. სხვა ყველაფერი უბრალოდ ომის გაგრძელებაა. უკრაინელები ისწრაფვიან სრული გამარჯვებისკენ, რუსეთის იმპერიის დაშლისკენ, მაგრამ მათ არ უნდა თქვან უარი გრძელვადიანი ომის შეწყვეტაზე, რადგანაც ეს არის ომების დასრულების ყველაზე ცნობილი ვარიანტი. ისეთი მშვიდობაც კი, რომლის დროსაც შემდეგი ომის მოლოდინში, ხარ გაძლევს პოლიტიკური ცვლილებების, რეფორმების გატარების, ეკონომიკური ზრდის და მოქალაქეების დაბრუნების შანსს. ამ პერიოდში შესაძლებელი იქნება უსაფრთხო, მაქსიმალურად დაცული სახელმწიფოს ფორმირება ინოვაციებისა და ტექნოლოგიების განვითარებით, ასევე კორუფციასთან ბრძოლით, სამართლიანი სახელმწიფო საძირკვლის გამყარება და სამართლიანი სასამართლოს შექმნა“, - წერს ზალუჟნი.