უთხარით „ჰამასს“, დაუყოვნებლივ დააბრუნოს ყველა მძევალი და ვითარება სწრაფად შეიცვლება - ტრამპი

აშშ-ის პრეზიდენტი დონალდ ტრამპი „ჰამასს“ მოუწოდებს, ყველა მძევალი გაათავისუფლოს.

„უთხარით „ჰამასს“, რომ დაუყოვნებლივ დააბრუნოს ყველა, ოცივე მძევალი ( არა 2, 5 ან 7) და ვითარება სწრაფად შეიცვლება. ეს დასრულდება“, – წერს აშშ-ის პრეზიდენტი სოციალურ ქსელში.

როგორც ისრაელის მედია წერს, ღაზის სექტორში 48 მძევალია, მათ შორის 47 იმ ადამიანებიდან, რომლებიც „ჰამასმა“ 2023 წლის 7 ოქტომბერს თავდასხმის დროს აიყვანა. ისრაელის თავდაცვის ძალებში აცხადებენ, რომ დარჩენილი მძევლებიდან, სულ მცირე, 26 ადამიანი გარდაცვლილია.