უკრაინული მედია: არაღიარებულ დნესტრისპირეთში რუსეთის ჯარის ოპერატიული ჯგუფები სრულ საბრძოლო მზადყოფნაშია მოყვანილი

უკრაინის შეიარაღებული ძალების გენერალური შტაბის ინფორმაციით, არაღიარებულ დნესტრისპირეთში რუსეთის ჯარის ოპერატიული ჯგუფები სრულ საბრძოლო მზადყოფნაშია მოყვანილი. ინფორმაციას უკრაინული მედია ავრცელებს. 

„მოლდოვას რესპუბლიკის არაღიარებული დნესტრისპირეთის რეგიონში რუსეთის ჯარების ოპერატიული ჯგუფები საბრძოლო მზადყოფნაშია მოყვანილი, ძალოვანი სტრუქტურები გადაყვანილია გაძლიერებულ სამსახურზე“, – აღნიშნულია განცხადებაში, რომელსაც მედიის ცნობით, უკრაინის გენერალური შტაბი 18:00 საათისთვის არსებულ მონაცემებზე დაყრდნობით ავრცელებს.