უკრაინის საგარეო საქმეთა სამინისტროში უნგრეთის ელჩი დაიბარეს და საპროტესტო ნოტა გადასცეს

უკრაინის საგარეო საქმეთა სამინისტროში უნგრეთის ელჩი დაიბარეს და საპროტესტო ნოტა გადასცეს. საქმე ეხება უნგრეთის მიერ უკრაინის უპილოტო სისტემების ძალების მეთაურისთვის, რობერტ ბროვდი მადიარისთვის სანქციების დაწესებასა და მისთვის უნგრეთსა და შენგენის ზონაში შესვლის აკრძალვას.

ცნობას ამის შესახებ უკრაინის საგარეო საქმეთა მინისტრი ანდრეი სიბიგა სოციალურ ქსელ იქსზე ავრცელებს.

„ელჩს საპროტესტო ნოტა უნგრეთის მიერ უკრაინაში უნგრული უმცირესობის, კერძოდ წარმომავლობით უნგრელი უკრაინის დამცველის დისკრიმინაციის საპასუხოდ გადაეცა, რომელსაც თავისი წინაპრების ქვეყანაში შესვლა აუკრძალეს. მოვუწოდებთ უნგრეთს, თავი შეიკავოს არამეგობრული ქმედებებისგან და ამის ნაცვლად, კონსტრუქციულ დიალოგში ჩაერთოს, რისთვისაც უკრაინა მზადაა“, - აცხადებს სიბიგა.