უკრაინელები და ქართველები ყოველდღე გვახსენებენ, რა არის სინამდვილეში ევროპული პროექტი - რაფაელ გლუკსმანი

ევროკავშირი არ არის მხოლოდ ბაზარი ან ბიუროკრატია - უკრაინელები და ქართველები ყოველდღე გვახსენებენ, რა არის სინამდვილეში ევროპული პროექტი, -ამის შესახებ ევროპარლამენტარი რაფაელ გლუკსმანი „ტვიტერში“ წერს, სადაც თბილისში, „უცხოური აგენტების შესახებ“ კანონპროექტების საწინააღმდეგო აქციების ამსახველ ფოტოებს აქვეყნებს.

„ევროკავშირი არ არის მხოლოდ ბაზარი ან ბიუროკრატია. ხალხი არ დგას ბაზრისთვის ან ბიუროკრატიისთვის. თუ ეჭვი გეპარებათ, ჰკითხეთ უკრაინელებს ან ქართველებს. ისინი ყოველდღე გვახსენებენ, რა არის სინამდვილეში ევროპული პროექტი. ვიყოთ ღირსები“, -წერს ევროპარლამენტარი.

რაფაელ გლუკსმანი თბილისში მიმდინარე მოვლენებს მანამდეც გამოეხმაურა და „ტვიტერზე“ დაწერა : „საქართველოს გაუმარჯოს. ვერც პუტინი და ვერც მისი მარიონეტები ვერ დაბლოკავენ ქართველი ერის ევროპულ მომავალს“.

L’Union européenne n’est pas qu’un marché ou une bureaucratie.
Les peuples ne se soulèvent pas pour un marché ou une bureaucratie.
Si vous en doutez, demandez aux Ukrainiens ou aux Géorgiens.
Ils nous rappellent chaque jour ce qu’est vraiment le projet européen.
Soyons en dignes pic.twitter.com/AzXpndfzaE

— Raphael Glucksmann (@rglucks1) March 9, 2023