თურქეთში ძაღლმა ნანგრევებში სიკვდილისგან მთელი ოჯახი გადაარჩინა

თურქეთში ძაღლმა ნანგრევებში სიკვდილისგან მთელი ოჯახი გადაარჩინა. ინფორმაციას CNN-ის თურქეთის ბიურო ავრცელებს.

აზიზე აკინი და მისი შვილები ჰყვებიან, რომ მიწისძვრამდე, რამდენიმე წუთით ადრე, მათმა ძაღლმა ყეფა და კანკალი დაიწყო, ოჯახის წევრებს გარეთ გაყვანას სთხოვდა და ამ გზით "აიძულა" შენობა დაეტოვებინათ. გარეთ გასვლიდან 20 წამში კი, კორპუსი, სადაც ოჯახი ცხოვრობდა, მთლიანად ჩამოინგრა.

ოქროსფერი რეტრივერი სახელად "ასილი" ოჯახმა, 5 წლის წინ, თავშესაფრიდან აიყვანა.